Даведнік. — Мінск: УП "БЕЛТА", 2009. — 684 с.Даведачнае выданне змяшчае інфармацыйны рэсурс дзяржаўнага значэння – Дзяржаўны спіс гісторыка-культурных каштоўнасцей Рэспублікі Беларусь. Яго вядзенне ажыццяўляецца ў адпаведнасці з Законам Рэспублікі Беларусь «Аб ахове гісторыка-культурнай спадчыны Рэспублікi Беларусь». Дзяржаўны спіс зацверджаны загадам Міністэрства культуры Рэспублікі Беларусь ад 21 чэрвеня 2007 г. № 141,уключае гісторыка-культурныя каштоўнасці, статус якім нададзены пастановамі Савета Міністраў Рэспублікі Беларусь ад 14 мая 2007 г. № 578 і ад 3 верасня 2008 г. №
1288. Дзяржаўны спіс гісторыка-культурных каштоўнасцей Рэспублікі Беларусь уключае ў сябе помнікі археалогіі, архітэктуры, гісторыі, горадабудаўніцтва, мастацтва,адзначаныя ў «Зборы помнікаў гісторыі і культуры Беларусі», выданне якога было ажыццёўлена ў 1984–1988 гг. выдавецтвам «Беларуская Савецкая Энцыклапедыя імя Петруся Броўкі», спісы помнікаў гісторыі і культуры рэспубліканскага і мясцовага значэння, зацверджаныя адпаведна пастановай Савета Міністраў Беларускай ССР ад 18 лютага 1988 года № 32 і рашэннямі абласных і Мінскага гарадскога выканаўчых камітэтаў, а таксама матэрыяльныя аб’екты і нематэрыяльныя праяўленні творчасці чалавека, якім нададзены статус гісторыка-культурнай каштоўнасці з 1992 года паводле ўведзенага ў дзеянне заканадаўства аб ахове гісторыка-культурнай спадчыны. Парадак вядзення Дзяржаўнага спіса зацверджаны пастановай Савета Міністраў Рэспублікі Беларусь ад 15 чэрвеня 2006 г. №
762. Звесткі па гісторыка-культурных каштоўнасцях катэгорый «0», «1» і «2» дапоўнены здымкамі, апісаннем і кароткай гістарычнай даведкай. Даведнік прызначаны для выкарыстання рэспубліканскімі органамі дзяржаўнага кіравання, юрыдычнымі і фізічнымі асобамі Рэспублікі Беларусь, а таксама для шырокага кола чытачоў.
