Правда и внатрешни работи на Европската унија

Учебникот што се наоѓа пред Вас, за предмет ја има Областа на правдата и внатрешните работи според Договорот од Лисабон и начинот на кој Европската унија дејствува во оваа област и е наменет за студентите и читателите кои се занимаваат, како во теоретска, така и во практична смисла, со прашањата од Областа на правдата и внатрешните работи во рамки на Европската унија. Целта е студентите и пошироката јавност да се стекнат со вистинско познавање на историскиот, институционалниот, нормативниот и тематскиот развој на политиките на Европската унија во областите на правда, внатрешни работи и безбедност, вградени во поширок меѓународен контекст.