Қазақ әдебиетінің тарихы. Он томдық. 1-том.
Алматы. ҚАЗақпарат., 2008. - 812-б.
ISBN 978-601-03-0005-7."Қазақ әдебиеті тарихының" бірінші томы ұлттық фольклорымыздың тарихына арналған. Осы уақытқа дейін фольклор тарихи тұрғыдан зерттелген емес. Бұл томда тұңғыш рет қазақ фольклорының ұзақ даму жолдары қарастырылған. Атап айтқанда, ежелгі замандағы фольклордың сипаты, орта ғасырларда фольклордың көркем руханиятқа айналғаны және жаңа дәуірде фольклор жанрларының өзгеріп, соны формалардың пайда болғаны зерттелген. Соның нәтижесінде фольклордың көне түрлері есте жоқ ескі заманда туып, алғашқы синкреттіліктен арылғаны, көп ғасырлар бойы дамудың арқасында қарапайымдықтан көркемдікке жеткені, сөйтіп, қазіргі көп жанрлы, профессионалды әдебиетімізге, өнерімізге негіз болғаны дәлелденген.
